|
|
نهوزاد قهرهگێچی: پێشكهڤتنێن ل باشور جهێ دلخوهشیێ نه و ئهم پێ د سهربلندین
2010-02-01
دیدار و بهرههڤكرن، ئامهد، درباس مستهفا:
|
|
|
ل سالێن حهفتیان و هێرڤه رۆژنامهڤانی ل باكورێ وهلات پێشكهڤت، رێكخستنێن كوردی پهیدابوون و چهندین سازی هاتنه ئاڤاكرن.
تێكلیێن وهشانخانا دهنگ د گهل یێن باشور، وان چ پرۆژه ژ بۆ وهزارهتا رهوشهنبیری یا حوكمهتا كوردستانێ پێشكێشكربوو..
ئهڤه و چهند پرسێن دی ههڤپهیڤینا مه بوون د گهل نهوزاد قهرهگێچی بهرپرسێ وهشانێن دهنگ و پشكا كوردی یا رۆژناما دهما نوو ل ئامهدێ.
ل دۆر رهوشا چاپهمهنیێ ب گشتی ل باكورێ كوردستانێ نهوزاد قهرهگێچی گۆت: پشتی وهرگهرا لهشكهری ل تركیایێ تهڤگهرا كوردی دهربهكێ مهزن ڤێكهت و یێن مایین ژی رهڤینه دهرڤهی وهلات، ب دههان وهلاتپارێز و شۆرهشگهر كهڤتنه د زیندانان دا.
د ناڤبهرا سالێن 0891-9891ێ ڤالایهك مهزن چێبوو.ل سالا9891ێ كۆڤارا دهنگ جارهكا دی دهركهڤت، پاشی ل سالا 2991ێ رۆژنامهكا حهفتیانه ب ناڤێ ریا ئازادی هاته دهرخستن(023 ههژماره) ژێ دهركهڤتن پاشی هاته گرتن و رێڤهبهر و خوهدی وێ ب گرانی هاتنه زیندانكرن، د پشت ره مه رۆژنامهك ب ناڤێ دهنگێ ئازادی دهرخست(26 ههژماره) ژێ دهركهڤتن و هاتهگرتن ژ ئالیێ دادگههێ ڤه.
پاشی رۆژنامهك ب ناڤێ رۆناهی مه دهرخست ئهو ژی هاتهگرتن، هیڤی و رۆژا تهزه ژی مه دهرخستن لێ تهڤی هاتنه گرتن. د سالا1002ێ دا مه رۆژناما دهما نوو دهرخست، ل دهستپێكێ بۆ دهمێ دو سالان ههر پازده رۆژان جارهكێ دهردكهڤت، پاشان بوو حهفتیێ جارهكێ نیڤ كوردی و نیڤ تركی و ههتا نها یا بهردهوامه.
جارا ئێكێ ناڤهندا وێ ل ستامبۆلێ بوو، لێ پشتی 5002ێ مه ناڤهندا وێ ئینا دیاربهكر.
ل دۆر وهشانخانێن كوردی نهوزاد وهها ئاخڤی: د سالێن نۆتێ دا مه دهست ب وهشانگهریێ ژی كر، ژ ئالیهكی رۆژنامه و ئالیهكی ڤه وهشان (كۆڤار و پرتووك).
پرتووكێن مه ب تایبهت ل سهر دیرۆك، ئهدهبیات، چاند و زمانێ كور دی نه. ههتا نها مه (261) پرتووكێن خوری كوردی و (73) ژی ب تركی چاپكرینه.
ل دۆر تێكلیێن وان ل گهل باشورێ كوردستانێ بهرپرسێ وهشانخانا دهنگ گۆت: مه ل ههولێرێ ئۆفیسا پهیوهندی یا رۆژنا دهما نوو ههیه، ههر حهفتییێ(006) دانهیێن رۆژنامێ دچنه باشورێ كوردستانێ ل دهۆك و ههولێر و سلێمانیێ بهلاڤدبن. ژ بۆنا رهوشا چاپهمهنی و رۆژنامهڤانیێ ل باكورێ كوردستانێ نهوزادی گۆت: نها ئهو فشار و باندۆرا ل سهر چاپهمهنی و وهشانگهریا كوردی وهكو سالێن بهرێ نینه ب تایبهتی د ڤان سێ سالێن دوماهیێ دا كێمتر بوویه، پێڤاژۆیا ئهندامهتیا تركیایێ یا ئێكهتیا ئهوروپایێ و ب تایبهتی ههولدانێن حوكمهتێ دهربارهی دیموكراتی بوونێ دا، ئهو فشار و باندۆرا دهولهتێ ل سهر وهشان و زمانێ كوردی كێتر بوویه، لێ هێشتا ب فهرمی زمانێ كوردی قهدهغهیه. ل دۆر تێكلیێن وان د گهل وهشانخانێن باشورێ كوردستانێ بهرپرسێ وهشانخانا دهنگ گۆت: تێكلیێن خورت نینن، بهری دو سالان مه ههولدا د گهل وهزارهتا رهوشهنبیری وهك پرۆژهكی بهرههڤ بكن، ب تایبهتی ئهڤ پرتووكێن ل باكور یێن گرانبها ههنه و ههروهسا یێن ل باشور نڤیسینگهههك بێتهدانان، یێن ل ڤێرێ وهرگێرنه سهر تیپێن عهرهبی و یێن باشور ژی بكنه تیپێن لاتینی وی دهمی مه د گهل وهزارهتێ پهیوهندی دانا كۆ ئهم وهكو وهشانخانا دهنگ چ ب كهڤته سهر ملێن مه ئهم د كارن بجه بینن، لێ ژ بۆ ڤێ ژی هاریكاریهكا خورت دڤێت و ئهم ژی ب تنێ نهشێن، ڤی كاری رابن، دڤێت وهزارهت د ڤی واری دا پشتهڤانیێ بدت و پێشهنگیا ڤێ چهندێ بكت، ئهڤ چهنده مه ب دهڤكی و نڤیسی ژی دایه وان، وان ژی ب ئهرێنی لێ نێرێ گۆت بلا و ئهم دێ لێ زڤرن، لێ مخابن ههتا نها ژی لێ نهزڤرینه. رۆژناما دهما نوو كۆ ب زمانێ كوردی و تركی تێته وهشاندن، نها ئهو ب رهنگهكێ باش ل باشور ژی بهلاڤ دبت، ههوه چ پرۆژه ل بهردهستن كۆ پتر وێ پێشدا ببن، بهرپرسێ پشكا كوردی ل رۆژنامێ گۆت: ب راستی مه د خواست ئهم رۆژنامهكا رۆژانه و خوری ب كوردی چاپ بكن، لێ مخابن زمان ئاریشهیه، ژ بهر كۆ ههژمارا خواندهڤانان ب زمانێ كوردی بخوون گهلهك كێمن.
ل باكور 02 ملیۆن كورد ههنه، لێ یێن دكارن ب كوردی بنڤیسن ژ هزارا دهرباس نابن، ههروهسا یێن دشێن ب كوردی بخوونن ژ دههـ هزاران نابۆرن، ئهڤه ژی بۆ نهتهوهك مهزن ب راستی كیماسیهك گهلهك مهزنه، دهستپێك و چاڤكانیا ڤێ كێمانیێ دهولهتێن داگیركهر ب خوه نه، لێ قهلسیا مه ژی ههیه ههم كوردێن وهلاتپارێز و ههم ژی سازی و دهزگههێن كوردی و پارتی و تهڤگهرا سیاسیا كورد ژ ڤێ یهكێ بهرپرسیارن.
بۆ نموونه كابرایهك ب دههان سالان د زیندانێ دا مایه و گهلهك ئهشكهنجه خواریه و ههتا نها د ناڤ تێكوشینێ دایه وقوربانی دایه، لێ هێشتا زارۆكێن وی كوردی نزانن!
ئهڤه ژی كێمانیێن مه یێن كهسایهتی نه یێن سیاسهتمهدار و رهوشهنبیرێن كوردن.
یا دی ژی ههتا نها وهشانگهری و چاپهمهنیا كوردی ب سهرێ خوه وهك سازی و دهزگههـ نهبووینه، ههر رۆژنامهك یان كۆڤار و پرتووك ژ ئالیێ دهردۆرێن سیاسی ڤه هاتینه پشتهڤانیكرن و دهرئێخستن، ژ بهر هندێ ههتا چاپهمهنی و مهدیا ب تهڤایی سهربخوه نهبت و نهبته بازارهك دێ ههر وهها قهلس مینت.
ژ بۆ ڤێ ژی پێدڤی ب سهرمایهدارێن كورد ههیه كۆ دهست بهاڤێژن ڤی كاری، ههر رێكخستیهكا سیاسی دهمێ رۆژنامهكێ دهردئێخت، راسته ژ ئالیهكی ڤه ژ بۆ پێشخستنا زمانی ههولددت، لێ ژ ئالیێ دی ڤه دخوازت ب رهنگهكی فكر و رامانێن خوه بگههینت گهل، ژ بهر وێ ژی نها رۆژناما (دهما نوو) نیڤ ب كوردی و نیڤ تركی یه.
ئالیێ وێ یێ كوردی ژ بۆ چاند و زمان و سیاسهتا كورد خزمهتێ دكت، ئالیێ تركی ژی دخوازت پتر رامان و فكر و ئایدیۆلۆژیا خوه بگههینته خهلكی.
د ئارمانجا مه دایه ل پاشهرۆژی رۆژنامێ بكنه رۆژانه.
چ ئاگههێن وه ل سهر رهوشا رهوشهنبیری ل باشور ههنه.
نهوزاد قهرهگێچی گۆت: وهك سالێن بهرێ نینه، ئهز دهم دهم دچمه باشور، مه تیكلیێن دۆستانه ههنه، ئهز دبینم ئهو پێشكهڤتنێن ل باشور ههم د وارێ سیاسی ههم د وارێ جڤاكی و ههم د یێ رهوشهنبیری دا ب راستی ژی جهێ دلخوهشیێ یه و ئهم پێ سهربلندن، لێ ب من دڤێت مهدیا كوردی یا باشور ب خوه بهلكی وهكی د ناڤ تهخا ناڤنهتهوی دا وهك دهولهتهك رسمی نهبت، لێ پراكتیكی د ناڤ گهل دا دهولهته، دڤێت كورد بشێن كارێ حزبایهتیێ و دهولهتێ جارێ ژێكجودا بكن و رێ ل بهر رهوشهنبیرێن سهربخوه و مهدیایهكا ئازاد ڤهكن، هندی بشێن پشتهڤانیا ڤی كاری بكن دا پێش بكهڤت.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|