|
|
IE6 چهندی ئهم ب كاربینین نامریت بهری
2010-03-01
دلوڤان تێلى صالح
|
|
|
شهش سالان وێب (ئهنترنێت) هاته پێشكێشكرن ژ لایێ (Internet Explorer) ڤه، كو ڤێرژنێ شهشێ ژ ڤی براوزهری ئهوێ بهری ویندوز ئێكس پی هاتیه خارێ ل تهباخا 2001ێ دا، ژ لایێ مایكروسوفت ڤه، وی دهمی بێ ههڤركی دگهل براوزهرێ (Netscape)ی شییا 95٪ ژ بكارهێنهرێن وێبێ ب دهست خو ڤهبینیت.
بهلێ نهو دگهل ههبوونا باشترین براوزهران ژ Firefox, Safari, Chrome, Opera و دگهل ڤێرژنێن حهفتێ و ههشتێ یێ Internet Explorerی، بوچی دێ براوزهرهكی بكارئینین كو دڤهگهریته بۆ سالا 2001ێ؟،
ئهوژی (Internet Explorer6 IE6)ه. كو ئهڤه ئهو ئاریشهیه د رێیا پێشڤهچوونا وێبێ دا، ژ بهركو ڤی براوزهری گهلهك خهلهتیێن ههین كو دگهل پێشكهفتنا نهو یا وێبێ ناگونجیت و دبیته ئهگهرێ هندێ كو پرانیا مالپهران نهدروست، یان ب شیوازهكێ دی دهربكهڤن. دبیت تۆ ئهڤێ پرسیارێ ژخۆ بكهی: ئهرێ ئهگهر ئهڤ براوزهره هند یێ خرابه، بۆچی ههتا نوكه دهێته بكارئینان؟
ئهگهر ئهم ژ سالا 2001ێ وهره بگرین و ئهو پێشكهفتنێن مهزنێن د بوارێ وێب و زمانێن وێبێ دا بهژمێرین، دێ بینین كو ئهڤی براوزهری گهلهك كێماسی یێن ههین، ئهڤه هندهك ژ وان تشتێن كو ئهڤ براوزهره سهپۆرت ناكهت: CSS v2 (Cascading Style Sheets) ئهڤه ب شێوهكێ سهرهكی دیزاینا مالپهریه و ههموو رهنگ، وێنه و پێكهاتیێن دیزاینێ ب خو ڤه دگریت، كوههر دیزاینهرهك دڤێت ڤان كودان، ب تایبهتی ژ بۆ IE6ی بنڤێسیته ڤه.
PNG Transparency: وێنێن جورێ PNG كارناكهن د IE6ی دا، دبیته ئهگهرێ تێكچوونا دیزاین و سهروبهرێ لاپهر و بهرنامان، كو دڤێت تو گهلهك كودان ژ بۆ ههر وێنهكی بنڤێسی دا ب دروستی بدهركهڤیت.
پاراستنا گشتی: ههروهكی پێدڤی یه تۆ ههردهم ئهنتی ڤایروسێ خو نویكهی، وهسا پێدڤی یه، تۆ براوزهرێ خۆ نویكهی دا نهبیته دهرگهههك ژ بۆ هێرشێن دهرهكی و ڤایروسان، ههتا هندهك كوود یێن ههین دبنه ئهگهرێ ڤهمراندن و تێكچونا IE6ی ب خۆ.
Digg YouTube Facebook: ههردوو یوتیوب و دیگ راگههاند كو ئهو دێ خزمهتێن خو د IE6ی دا برن و ئێدی تو نهشێی بابهتان دیگ كهی، یان ژی ڤیدیویێن یوتیوبێ ڤهكهی.
ههروهسا فهیسبوك ژی دێ ته ئاگههداركهت، دهمێ تۆ د ڤی براوزهری دا ڤهدكهی كو دێ پتر خزمهتێن ڤی مالپهری كاركهن ئهگهر تۆ براوزهرێ خو بگهوری.
ئهگهر ئهم بهێین و بێژین: بۆچی ههتا نوكه هێشتا خهلك بكاردئینیت؟
د كورردستانێ دا دبیت ئهڤ براوزهره ب سهرهكیترین براوزهر دهێته نیاسین، ئهڤهژی ژ ئهگهرێ نهزانین، یان نهشارهزاییێ یه، بهلێ ئهگهر نیڤا مالپهرێن كوردی ل سهر ڤی براوزهری ب دروستی كاربكهن و خهلهت ل سهر براوزهرێن دیێن دروست دهركهڤن وهسا كهس نزانیت كو ئهڤ براوزهره یێ خهلهته، ئهڤهژی وهكی چارهسهركرنا خهلهتیێ ب خهلهتیێ یه.
ژ ئهگهرێ نه شارهزایی یا دروسكهر و دیزاینهرێن مالپهرانه، كو ههتا نوكه پرانیا مالپهرێن رهسمی و یێن حكومی یێن كوردی ب وی شێوازێ بهری دههـ سالانه و چ سیمایێن پێشكهفتنێ ب خۆ ڤه نهگرتییه، چ ژلایێ تێكنولوجی، یان دیزاین و سهروبهری ڤه.
ئهم دشێین بێژین ئهگهرێ سهرهكی یێ مانا IE6ی ئهوه؛ كو ئهڤه براوزهرێ سهرهكی یێ ب ناڤودهنگترین ویندوزه، ئهو ژی ویندوز ئێكس پی یه كو نوكه 62% ژ خهلكێ جیهانێ بكاردئینن، لهورا رێژا بكارهێنهرێن ڤی براوزهری دگههیته 11٪ و ههر دكێمبوونێ دایه، ب هاریكاریا وان ئاگههداریێن د میدیایا ئهنترنێتێ دا دهێنه كرن ژ بۆ نههێلانا ڤی براوزهری، ههروهسا دگهل ههولێن مایكروسوفتێ ژ بۆ رێنیشاندانا بكارهێنهرێن خۆ یێن ویندوز ئێكس پی، بۆ نووكرن و ئاپگرهیدا ڤی براوزهری، بهلێ ههر نهشیایه ب تهواوی نههێلیت، چونكی ههلبژارتنا نویكرنێ دهستێبكارهێنهریدایه. ب هزرا مایكروسوفتێ IE6نامریت چهندیویندوز ئێكس پی بهێته بكارئینان، ل كوردستانێ ۆ دشێی باشترین بهرنامه یان سیستهمێویندوزی تنێ ب2000 دیناران (7،1$ ) ب دهست خۆ ڤه بینی.
ژ بهر نهبوونا مافێن كۆپیكرنێ، بهلێ ئهوا جهێ سهرسورمانێ، ئهوه كو بۆچی دێ كوپی یهكا كهڤن ژ ویندوزی، یان بهرنامهكی ههلبژێری كو ب ههمان نرخ و رێكا دهستڤهئینانا نویترین ڤێرژنێ یه، یا ئاشكرایه ڤێرژنێن نوی خهلهتیێن بهری خۆ چارهسهردكهن و پتر خزمهت و تشت تێدا ههنه.
لهورا ئهگهر ته بڤێت خزمهتهكێ بۆ وێبێ بكهی، بهسه Internet Explorer6ی بكاربینی، چونكی ژبلی هندێ كو IE6ئهو چهندا دیڤیلوپهر و دیزاینهرێن وێبێ دڤێت ب دروستی ناگههینته بكارهێنهرێن وی، دهمهكێ درێژ ژی ڤهدكێشیت ژ بۆ چارهسهركرن و خۆ گونجاندنا ههر بهرنامه، یان بهرپهرهكی دگهل ڤی براوزهری ئهڤهژی وهك ئاستهنگهكێ یه ل بهر رێیا پێشكهفتنێ، ژ بۆ جێكرنا بهرنامه و مالپهرێن نوی و ب مفا.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|