|
|
ئهمیر سهدیق: موزیكا دهڤهرا مه پێدڤی ب پتر داهێنانێ یه
2010-03-10
دهۆك، بهیارێ زاویتهیی:
|
|
|
پشتی رێڤهبهریا رهوشهنبیری و هونهری بوویه رێڤهبهریا گشتی، چهندین رێڤهبهریێن دی یێن تایبهتمهند هاتنه ڤهكرن، ئێك ژ وان رێڤهبهریێن نوو هاتینه ڤهكرن، رێڤهبهریا هونهرێن موزیكێ یه و هونهرمهند ئهمیر سهدیق وهكو رێڤهبهر لێ هاتیه دامهزراندن.
ل دور مهرهما ڤهكرنا ڤێ رێڤهبهریا نوو كو تایبهتمهنده ب هونهرێ موزیكێ ڤه هونهرمهند ئهمیر سهدیق رێڤهبهرێ وێ بۆ رۆژنامهیا ئهڤرۆ دیاركر كو پشتی رێڤهبهریا گشتی یا رهوشهنبیری و هونهری ڤیایی بنیاتێ خۆ بهرفرهه بكهت بزاڤ هاتنه كرن كو هندهك رێڤهبهریێن نوو بهێنه ڤهكرن و ئێك ژ وان رێڤهبهریا هونهرێن موزیكێ یه، ئهڤ چهنده ناڤبری بۆ خهمخوریا رێڤهبهریا گشتی و رێڤهبهرێ گشتی یێ رهوشهنبیری و هونهری زڤراند.
ئهمیری دیاركر كو وان پروگرامهكێ گهلهك بهرفرهه بۆ موزیكا دهڤهرا دهۆكێ دارێشتیه و دێ ههولدهن خولێن موزیكێ بۆ موزیكژهن و سترانبێژێن دهڤهرێ ڤهكهن ژ بهركو پرانیا ڤان سترانبێژان موزیكێ ناژهنن، ل دووڤ گۆتنێن ناڤبری ئهڤ چهنده دێ ب رێكێن ئهكادیمی و ل سهر دهستێ مامۆستایێن تایبهتمهند هێتهكرن و دیاركر كو دێ هونهرمهندێن دهڤهرێ ژلایێ موزیكێ ڤه رهوشهنبیركهن.
ئهمیر سهدیق دیاركر كو وان ل بهره ب هندهك رێكێن دی ژی هاریكاریا هونهرمهندان كهن و دێ لیژنهیهكێ پێك ئینن و ل دووڤ خشتهیهكێ هاریكاریا هونهرمهندان كهن بۆ بهرههمئینانا بهرههمێن وان و دهزرا وان دایه كو بهری تۆماركرنا بهرههمان كهرستێ وان بهێته ههلسهنگاندن و ل دووڤ ئاستێ وان دێ هاریكاری بۆ هێتهكرن.
رێڤهبهرێ هونهرێن موزیكێ ئهوژی دیاركر كو ڤهكرنا ڤێ رێڤهبهریێ نه رامانا وێ چهندێ یه كو ئهڤێ هونهری لاوازی تێدا ههنه ل دهڤهرێ بهلكو تهمامكرن و بلندكرنا وی ئاستی یه یێ نوكه ل دهڤهرێ ههی و گوت: ئاستێ موزیكێ ل دهڤهرا بههدینا یێ باشه و دێ بزاڤێ كهین باشتر لێبكهین كو دهڤهرا بههدینان ژی ببیته خوداناموزیكژهنێن باش، ههروهسا ناڤبری گوت: مهلبهره هاریكاریا هندهك ههڤالان گروپهكێ موزیكی یێ ئهكادیمی پێكبهینین كو بتنێ كارێن ئهكادیمی و زانستی پێشكێش بكهن، ل دور باشیا رهوشا موزیكێ ئهمیری دیاركر ههبوونا هندهك موزیكژهنان وهكو جهمال محهمهد ئهدیب و زاهد بریفكانی كو د گهل تیپا دهۆكێ یا كهڤن بوون و ههر ئێك ژ وان بوچوونێن جودا ههنه و شیاینه گروپێن جوان پێكبینن بهلگهنه بۆ باشیا رهوشا موزیكێ.
ژ لایهكێ دیڤه ناڤبری دیاركر كو هندهك ههنج ژی هاتینه د مهیدانا هونهرێ موزیكێ دا و شیاینه گروپێن موزیكی ڤهكهن و ههموو ژی دهرچوویێن پهیمانگهها هونهرێن جوانن، و ئهمیری گۆت: ئهم چ تیپا ژ یا دی بلنتر نابینین بهلكو ئهم ئاستێ وان د ههلسهنگینین ئهوژی ب رێكا چالاكیێن وان.
ب دیتنا ئهمیری ههر تیپهكێ تایبهتمهندیا خۆ ههیه و هندهك تیپان پرانیا ئامیرێن موزیكێ تێدا ههنه و بیاڤێ دابهشكرنا موزیكێ پتر تێدا ههیه و هندهك تیپان ژی ئامیرێن تهك تهك ههنه و ههر تیپهك ب شێوازهكی خزمهت موزیكا كوردی دكهن.
ل دۆر ههبوونا ئامیرێن موزیكێ ژی ناڤبری دیاركر كو ئهو ئامیرێن ل دهۆكێ دێ بزاڤێ كهن پهیدا بكهن و خولێن فێركرنێ ڤهكهن و گۆت: ئهو موزیكژهنێن مه ههین ئهم شانازیێ پێ دبهین.
ل دۆر قوتابیێن دهرچویێن پهیمانگهها هونهرێن جوان ناڤبری دیاركر كو پهیمانگهه موزیكژهنێن ئارهزومهند دئێخیته سهر رێكا راست و ئهكادیمی و دبیته تمامكهر بو وان و گۆت: »پرانیا ئهندامێن تیپێن موزیكی یێن دهۆكێ دهرچویێن پهیمانگههێ نه بهلێ پهیمانگههـ نهجهێ فێركرنا موزیكژهنایه بهلكو تمامكهرا رێكا دروستا موزیكێ یه.
ل دور هاتنا موزیكا رۆژئاڤایی بۆ ناڤ سترانا كوردی ئهمیر گۆت: »ئهز وهكو كهس نه دگهل وێ چهندێ مه موزیكا راپ و پوپ بهێته دناڤ موزیكا كوردی دا بهلێ پێدڤی یه ئهم ل دهسپێكێ موزیكا خۆ یا رهسهن پێشبێخین و باوهریێ بۆ خهلكی جێكهین كو ئهڤ موزیكا ل دهوروبهرێن مه ههی یا مهیه و تشتهكێ پێدڤی دبینم كو رهوشهنبیری ل سهر هونهرێ بیانی ژی ههبیت.
ههروهسا ناڤبری دیاركر كو پێدڤی یه موزیكا كوردی بتر ب تام بێخن وپتر داهێنانێ تێدا بكهین و ئهو ئامیرێن نهیی بیننه دناڤ گروپێن خودا و نموونه ل سهر ڤێ چهندێ وهكو ماموستا دلشاد محهمهد سهعید شیایی موزیكا رهسهنا كوردی د گهل ئوركسترایهكا جیهانێ لێبدهت و ئهڤ چهنده ئهمیری ب پێشكهفتن زانی.
ل دورماهیێ ئهمیر سهدیق رێڤهبهرێ هونهرێن موزیكێ ل دهوكێ یێ گهشبین بو و كو پشتی رێڤهبهریا وان هاتیه ڤهكرن دێ داهێنان ههبیت و ههروهسا یێ گهشبین بوو كو رێڤهبهریا گشتی یا رهوشهنبیری و هونهری دێ پشتهڤانیێ ل وان كهن و هیڤی خواست كو دهزگایێن راگههاندنێ ب چاڤهكێ جودا ل رێڤهبهریا وان بنێرن و دیسان بهرپهرس ژی ب چاڤهكێ پشتهڤانیێ ل وان بنێرن.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|