|
|
Untitled 2
|
ل دهسپێكێ مالا خۆ رێكبێخن !!
سهرجان مهحمود |
|
|
چارهسهریا پرسا كوردان ڤێ جاره ژی د رۆژهڤا پهرلهمانا ئهورۆپا دایه، پرس ههر ههمان پرسه كو ب سالانه د رۆژهڤێ دایه و تهنێ جه و مهكان دگوههره، لێ پرس ههر وهك خۆ دمینه و دووره ژ چارهسهریێ؛ ژ بهر كو نێزیكبوونا ژ پرسا كوردی ره ههر ژ دهسپێكا خۆ ڤه كو بهحسا چارهسهریا ڤێ تێ كرن خهلهته.
پرسا كوردان ل باكۆرێ كوردستانێ ژ داخوازیێن یهكگرتی و ژ پرۆژهكی چارهسهریێ دووره، ژ ههر سهریهكی ئاخافتنهك دهردكهڤه و هایا وی ژ یێ دن نینه یان ژی ههر رۆژ ب چهند داخوازین جودا یێن كو نابه نهخشهیا چارهسهریێ دهینن پێشبهرێ مه.
ژ بۆ چارهسهریا پرسهك وهسان مهزن نابه پر بهلاڤه و بێ بنگهه رۆژانه پێشنیار و پرۆژه بهێنه پێشكهشكرن.
ئهڤ یهك تهنێ دبه سهدهمێ ئالۆزكرنا پرسا كوردی و زێدهتر باوهری ژ دهست دانێ.
ئهم ئالیێ تورك دێنن رهخهكی و دهستپێكێ خۆ یهك ئالی بكهن و پشتره داخوازین خۆ پێشكهشێ رایادارێن تورك بكهن. ل وهلاتێ مه و ل بنگهها سیاسهتا باكورێ كوردستانێ زهمینهیهك نه رێكخستی ههیه و ئهم نهچارن دهسپێكێ مالا خۆ رێكبخهن. ئهڤ یهك ژی ب دانینا پرۆژهیهكی یهكگرتی دبیت و پێدڤیه داخوازی ژ دانا قوربانیان كێمتر نهبیت.
لێ داخوازی پێویسته نه وهك لایانێن كو ل ئهوروپا پالدانه و چ بنگهها وان یا خهباتێ و تێكۆشینێ نینه داخوازین ژ خۆ مهزنتر بكهت و نه ژی وهك كوردێن كو ئهڤ نێزی 30 سالانه تێكۆشینهكی مهزن دمهشینن و خوهدانێ قوربانیهكی مهزنن داخوازیێن وان بچووك ببیت.
یانی پێویستیا كوردان ل باكۆرێ كوردستانێ ب چارهسهریهكی وهسان ههیه، كو ههر كوردهك ههم ژێ رازی بت و ههم ژی وی تێر نهكات.
ل گۆر هزرا من نه فهدهرالیزم و نه ژی كۆمارهكی دیمۆكراتیك یا ل سهر بنگهها دهسههلاتا توركان پرسا كوردان ل باكۆر چارهسهر ناكهت و چارهسهری ل گۆر رهوشا نها ههرێمهكی خوهسهری یا تایبهته كو تێ ده هێزێن پاراستنا كوردان ههبیت و ههرێمهك ئازاد و ل ژێر دهسههلاتا كوردا یا دیمۆكراتده به.
ههردو ئالی ژی دكارن ئهزموونا ههرێما كوردستانێ ببینن و وهك چارهسهریا دوماهیك ژبۆ خۆ قهبوول بكهن. ژ بۆ گههشتنا قۆناغا لههڤكرنا ب توركان ره ئهركێ سهرهكی ژ (پ ك ك) ێ زێدهتر دكهڤیته سهر ملێ پارتا ئاشتی و دیمۆكراسیێ و سیایاسهتمهدار و نوونهرێن هلبژارتین كوردان و ئهو دكارن زهمینهیهكی گونجای تهڤی ئالیێن كو دخوازن چارهسهری ل توركیا پێك وهره دانوستاندنێ پهیدا بكهن كو كۆنگرا (ب د پ)ێ ژی ژبۆ چارهسهریا پرسا كوردان دهستپێكهكی باش و سهركهفتی بوو.
هندهك سهبر و بزاڤهكا ههكیمانه دكاره تورك و كوردان بهینه سهر یهك مێزا دانوستاندنێ.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|