|
|
Untitled 2
|
خۆشتڤیێن خۆ نهبهنه پشت تڕاشان
روناك فهتحي مستهفا |
|
|
ڤیان ئێك ژ جوانترین ههست د ناخێ مه دا پهیدا دكهت و ههر مروڤهكێ ئاسایی د ژیانا خو دا دێ حهز ژ گهلهك كهس و تشتان كهت، حهز ژێ كرنا دایكێ یا سروشتی، یا ههڤال و كهسێن بهرامبهر و ب تایبهتی حهز ژێ كرنا شریكا ژیانێ كو ئێك ژ جوانترین و مهزنترین جورێ حهز ژێ كرنێ یه و كهسهك پهیدا نابیت د ژیانێ دا حهز ژ كهسهكی نهكربیت چ د دلێ خودا، ب دركینیت و چ د دلێ خو دا ب مرینیت، ئهڤهژی خهسلهتهكه د بوونا ههركهسهكی دا ههیه، دهمێ مروڤی بڤێت ههڤژینهكی ههلبژێریت چ كچ یان كور بیت، پێدڤیه حهز ژێ كرن دناڤبهرا وان دا ههبیت، ههر پهیوهندیهك كو بناغا وێ لسهر حهز ژێ كرنێ هاتبیته ئاڤاكرن، ههلبهت دێ گهلهك د ژیانا خو دا سهركهفتی و دلخوش بیت، حهز ژێ كرن ژی وی دهمی پهیدا دبیت دهمێ كو كهسایهتی و هزر و بوچوونێن ههردو رهگهزان وهكی ئێك بن و ژ ئێك و دوو د رازی بن، لێ هندهك ژی ب تنێ بۆ دهم بوراندن و ههوهسهك پهیوهندیان گرێ ددهن، ئهڤه ژی دبیته ئهگهرا هندێ كو كچ زوو بهێته خاپاندن ژ لایێ كوری یان خوشتڤیێ خۆ یێ كارتونی ڤه، بهردهوام گوه لێ دبین و دبینین كو كچ ژ پێخهمهتی حهز ژێ كرنێ ژیانا خو رهش و تاری دكهت، نهخاسمه كو كچ ب ههستهكا نازك و ههڤسوز دئێته نیاسین و زوو باوهر دكهت و زوو دئێته سهردابرن، ئهگهرا وێ ژی دزڤریتهڤه بۆ هندێ كو كچێ ڤیایه پهیوهندیا وێ نهێنی بمینیت، ژ بهركو دجڤاكێ مه دا حهز ژێ كرن شهرمه، لێ یا دروستتر ئهوه پهیوهندیێن بڤی ئاوای ئاشكرا بن و بلا ههر زوو خوشتڤیێ خۆ بۆ دهی باب و مالا خو بدهینه نیاسین، بلا كچ ل مالێ ل گهل خوشتڤیێ خو باخڤیت یان ل جهێ كاری گهلهك جوانتره ژهندێ كو ب نهێنی و ب تنێ دگهل خوشتڤیێ خو بهرهف چولهكێ بچیت، ئهو گهنجێن داخواز دكهن ههڤالا خو ببهنه چولی یان دڤێن خو نێزیكی بكهن یان داخوازا پهیوهندیێن نهشهرعی ژێ بكهت، باوهر بكهن ئهڤه نه حهز ژێ كرنه ئهڤه ههوهسه كه دێ ژیانهكێ بهرهف فهنایێ بهت، ئهڤه نه حهز ژێ كرنهكا راستهقینهیه، بلا ههست و سوزێن مه نهبنه ئهگهرا سهردابرنێ، ههر كور و كچهكا گهنج باشتره راستگو بن دگهل خو و دگهل خێزانێ و گهلهك كچ و كورا پاشهروژا خۆ خراب كرینه ژ بهر ڤێ چهندێ، ژ بهر هندێ یا باش ئهوه ههول بدهن دگهل جڤاكێ ژی راستگو بن و خوشتڤیێ خو بۆ دونیایێ ههمیێ بدهنه نیاسین، دا نههلنگڤن و ئێدی نهشێن رابنهڤه.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|