|
|
Untitled 2
|
هندهك وێنه یێن ههلبژارتنان
بههجهت هرۆرى |
|
|
د ههلبژارتنێن 7 ی ئادارێ دا، چهند وێنه یێن گرنگ هاتن نهخشاندن.
وێنه یێ ئێكێ؛ سهركهفتنا مهزن یا لیستا ههڤپهیمانی یا كوردستانێ بوو د ههلبژارتنان دا ب تایبهت كاندیدێن پارتی دیمۆكراتی كوردستان ل سهرانسهر كوردستانێ ب تایبهت ژی ل پارێزگهها دهۆكێ كو ژ سهرجهمێ 10 كورسیان 9 كورسی ب دهستهڤهئینان و دهێته چاڤهرێكرن، نیڤا كورسیێن كوردستانێ ل پهرلهمانێ بهغدا بۆ وێ ب تنێ بن.
ئهڤه ژی نیشانهكا ب هێزا رێبازا پارتی و بارزانی یه كو بهردهوام د گوهۆرینان دایه.
وێنێ دی؛ پهرۆشیا خهلكێ كوردستانێ بوو بۆ دهنگدانێ.
ههنه ل دههان بنگههان گهڕیاینه و ناڤێن خوه نهدیتن، ئهگهر دهنگ ب گرنگی نهدیتبا یه دا زوو زڤرن مالێن خوه، لێ بێهنا وان نههات و گازندا خوه برن بهر دهرگههێ كۆمسیۆنا سهربخوه یا ههلبژارتنان و گوتنێ: دهنگێ مه ژیانا مهیه و ئهم قهبوول ناكهین هوون ژیانا مه بكوژن.
ل دهرڤه وهلاتی ژی، كوردان ههزاران میل بڕینه و قهستا وهلاتێن دی كرینه دا دهنگێ خوه بدهن و ل سهر خاترا وی دهنگی رهفتارێن بهعسیانه ل گهل هاتن كرن.
خهلكێ كوردستانێ كو ب گیان و دهنگێن خوه كوردستانێ ئاڤا دكن، ههژی ههموو رێزگرتن و خزمهتێن مهزنه.
وێنهكێ دی یێ ههلبژارتنان، دهنگێ عهشیرێ بوو، كو ل گهلهك جهان خهلكهكی ل سهر بنهمایێ عهشیرێ دهنگێ خوه دا.
د ڤێ ههڤكێشێ دا، ئهڤ دهنگه ل پارێزگهها دهۆكێ ل سهر حسابا پارتی بوون د بهرژهوهندا یهكگرتووی ئیسلامی دا بوون.
وێنێ دێ یێ سهرنجراكێش، خهمساریا كۆمسیونا سهربخوه یا ههلبژارتنان بوو.
پشتی گهریانا مه ل گهلهك بنگههێن دهنگدانێ، وهسا دیاربوو كو كێماسیێن مهزن د كارێ كۆمسیونێ دا ههبوون. ههزاران خهلك نهشیان دهنگێ خوه بدهن.
ئهو كهسێن ل سهر تۆمارێن ناڤان ماندی دبوون و د سهر ناڤان را گاڤ ددا و دا بێژن ناڤێ ته نینه. ههبوون ناڤ د لیستان دا ههین و ههموو بهلگهنامه ههین و كارتا كۆمسیۆنێ ژی ههبوو و نهشیان دهنگێن خوه بدهن. هندهك سهمیانێن خێزانان دهنگێ خوه دا و كهسهك دی ژ مالا وان نهشیا بدهت.
سهدان كهسان ل ههلبژارتنێن جارا دی ناڤێن خوه ل هندهك بنگههان دابوون و كۆمسیونێ ناڤێن وان یێن ڤهگوهاستینه هندهك بنگههێن دی و د ڤێ ڤهگوهاستنێ دا ناڤێن وان بهرزه بووینه. گهلهك بنگههان ب یهكجاری نهدهێلا رۆژنامهڤان بچنه د بنگههان ڤه و های ژێ نهبوویه كو رۆژنامهڤان د ئازادن و ڤێ ئازادیێ پتر شهرعیهت ددا پاقژیا ههلبژارتنان.
ب ههر حالێ ههی، ئهزموون یا سهركهفتی و پاقژ و دیمۆكراسی بوو، لێ نه یا نوو بوو و پێدڤی بوو ئهڤ كێشه ب تایبهت یا ناڤان د سهر كۆمسیۆنێ ڕا دهرباز نهببا. كو ههر جار گهلێ كوردستانێ دبیته قوربانی پیلانهكا ژ ڤی رهنگی و ههزاران كورد ژ دهنگدانێ بێ بههر دبن.
2010/3/8
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|