Untitled 2
|
شهش شێرهژن و كابرایهك !
بهیار باڤی |
|
|
هژمارا بوری یا رۆژنامهیا ئهڤرۆ دا مه ب بهحسێ دوو شیرژنان كر كا چهوان ژیانا خو یا رۆژانه د بوراندن و زارۆیێن خو ب خودان دكرن و مه ژڤان دابوو كو د ڤێ ژمارێ دا وهكو پشكا دووێ بهحسێ چوار شێرهژنێن دی بكهین دگهل كابرایهكی و سهرهاتیا مه دگهل ژنین دی ب ڤی ئاوای بوو:
- (....) ئهڤهژی ژنهكا دی بو و ئهو چهند سال بوو ههڤژینێ وێ ئهمرێ خودێ كر بوو و كۆمهكا زارۆكێن كچ و كور ل دووڤ خو بو وێ هێلابون ,یێ ژههموو یا مهزنتر ( 13سالی بو) و ب هیڤی یا هاركاری یێن خهلكی ڤه زاروكێن خو خودان دكرن، زێدهباری كو ئێك ژوان پهككهقتی بو و ههیڤ بۆ ههیڤێ پێدڤی عیلاجێ و پارهی بوو ب تنێ ئێك زاروك دچوو قوتابخانێ(ئێكی ناڤنجی بو)رۆژهكێ دایكا زارۆكان گۆت من داخوازی یهك یا ژته ههی:ههكهر دوو ژ ئهڤان زارۆكێن من ببهن بنگهههكێ چاڤدێری یا زاروكا(یا ئێتیما) ل دهوكێ ژبهركو ئێدی "بلا لسهر بهركێ بت ئهز نهشێم خودان كهم" و گوت من یا گوتی ئهوێ دی ژی بلا خواندنێ ب هێلیت و بو مه شولهكی بكهت ب ههر حالێ ههی من وهنهكر ئهڤ چهنده روو بدهت , و ب رێكا هندهك خێرخوازا دهم بو دهمی هندهك هاریكاری مه بو پهیدا دكرن و ئهڤ ساله من دیت كورێ وێ یێ ل زانكویێ هاتی وهرگرتن..!
- (....) ئهڤ ژنا هه ژیێ وێ دهربازی (90 سالا) بویه.
بهلێ یائاماده نینه دهستێ خو ل بهر كهسهكێ ڤهگریت, ههتا ئهگهر نیزیكترین كهس چی بت بو وێ .
ب دهستێن خو تهنویرت ئاخ سورێ چێدكهت و بوخو دفروشیت ..
وههر وه سا كورێ وێ(ژیێ وی پتره ژ50 سالا)گۆت ههرۆژ سپێدێ دگهل مهلایی دایكا مه رادبیت و وهریسكێ خو دبت و دچیته ئهڤێ كێلهكا چیای پشتی یهكێ تركا(دارا) دئینت وكوچكی ههلدكهت هێشتا زارو نڤستی!
مخابن دوماهی جار من سهرهدانا وێ كری رهشا وێ یاساخلهمی نهیا باش بو..خودێ ژیێ وێ درێژتر بكهت.
- (....) ئهڤ ژنا ب حوكمێ ژیانا وێ یا نهخوش دوجارا هندی ژیێ خو دیار دكهت.
قهدهرا وێ ئهو بوویه سێ كهس دمالا وێ دا كێم ئاقلن _ههڤژین و دوو زارۆك_ وههمی ژی مهزنن..
زێدهباری ههژاریێ ونهخویندهواریێ ههمی دهمێ ئهڤێ شێرهژنێ بو كرێ ناف مالێ و شویشتن و ڤهشویشتنا ئهڤان ههرسێ كهسانه, تارادهیهكێ ب دهستێن خو سهرو رهێن وان د تهراشیت..
وچ جارا ل خو ددیار ناكهت كو یا ژئهوان عاجزه یان ب بێژت ئهز ڤی كاری ئهنجام نادهم . دبێژت ئهركێ منه چاڤدێری یا ئهڤان كهسێن بێ دهستههلات بكهم .
ههكهر ئهز نهكهم كی دێ كهت !
- ( ....) ژنهكا ب ناڤسالڤهچوی وزێده باوهری ب خو ههی, ب دیساڤه خودان كۆمهكا زاروكێن بێ سهمیان بی و دخانیهكێ بێ سهرو بهردا ژیاتا خودبرنه سهر وبتنێ كارێ ناڤ مالێن خهلكی دكر . وهك چێكرنا دوشهك و لحێفا و شویشتنا هریێ ونان پهحتنێ ..
كو موحتاجی نه مهردا نهبیت..رۆژهكێ گوته من تو فلان كهسی (........)ناس دكهی ؟ من گۆت بهلێ كابرایێ خودانێ ترۆمپێلا (....)ئاخر مۆدێل..گوت بهلێ ..
من گۆت خێره؟
گۆت نێزیكی دوو ههیڤا من نانێ بو وان پهحتی و ئهڤه چهند جارا ژێ دخوازم پارێ من نادهته من ل زارۆكێن خو ب مهزێخم ..و ههرجار دبێژیته من ههیڤا بهێت!!
|
|