|
|
Untitled 2
|
سیستهمێ نوو یێ وهبهرهێنانێ و گهشهپێدانا ئابووری
بهشیر یوسف |
|
|
وهبهرهێنان ب شێوهیهكێ گشتی ئابوورێ ههر وهلاتهكی خورت و چالاك دكهت، ئهڤ وهبهرهێنانه وی دهمی دهێته كر، دهمێ ژ لایێ ئابووری و ئێمناهیێ ڤه تهناهی و ئارامیهك ههبیت كو ببیته جهێ باوهریا وهبهرهێنهری پارێ خۆ د پروژهیان دا بدهته كاری.
ل ههرێما كوردستانێ ژی و ب تایبهتی پشتی یاسا وهبهرهێنانێ دهرچووی و دهستهیهك ب ناڤێ دهستهیا بلند یا وهبهرهێنانێ ل ههرێما كوردستانێ هاتیه دامهزراندن، پتر ئهڤ بیاڤه هاته خورتكرن و هاریكاریهكا بهرچاڤ پێشكێشی وهبهرهێنهری كر، ئهڤجا چ یێ بیانی بیت یان نافخو، ب تایبهتی دبیاڤێ ئاكنجیبوونێ دا كو ئارێشهیا ههره سهرهكی یه ل ههرێما كوردستانێ.
د دهمێ بۆری دا چهندین پرۆژه هاتنه ئهنجامدان و خهلكهكێ بهرفرهه مفا ژێ وهرگرت، بهلێ ژ بو خزمهتا گشتی و ب تایبهتی تهخا ههژار و كێم دهرامهت، سیستهمێ نوو هاته دانان و ئهڤ یهكهیێن ئاكنجیبوونێ دێ ب دروستی ئاریشهیا ئاكنجیبوونێ ل ههرێما كوردستانێ چارهسهركهن، ئهو ژی وهرگرتنا ڤان شوقه و خانیان و ب قستێ ههیڤانه قهرزێ وان بهێته دان و حكومهتا ههرێما كوردستانێ ب رێژهیهكا دیاركری ژ 10٪ ههتا 20٪ێ بێی بهرامبهر دێ پێش وهلاتی ڤه دهت.
ئهڤ سیستهمه دێ چهند ئاریشهیێن مهزن چارهسهركهت: چارهسهركرنا ئاریشهیا مهزن یا زوربهیا خهلكێ مه كو ب زهحمهت پهیداكرنا خانی و جهێن ئاكنجیبوونێ یه، دێ ب سهناهی ڤێ ب دهست خو ڤه ئینیت و ل سهر وی ژی بارگرانی نینه ههیڤانه پارهكێ نه گهلهك زور بدهت.
ههكهر ئهڤ خهلكه ب خانی یان شوقه كهفت، یێ نهچاره كار بكهت داكو ڤی پارهی كوم بكهت، ئهڤه ئاریشهیا بێكاریێ ژی چارهسهر بوو.
خورتكرنا كهرتێ بهنكان ل ههرێما كوردستانێ كو بێی پشتهڤانیا بهنكهكێ ل ههرێما كوردستانێ وهبهرهێنهر نهشێت چ پرۆژهیان وهربگریت، دیسان فایدێ ڤان بهنكان دێ حكومهتا ههرێما كوردستانێ دهت.
ئهڤ سیستهمه هاریكاریهكا بهرچاڤ دكهت بۆ چارهسهركرنا گهلهك ئاریشهیێن جڤاكی وهكو ژنئینانێ و پهیداكرنا جهێن ئاكنجیبوونێ بۆ وان، ئانكو دێ هاریكاریا گهلهك گهنج و لاوان كهت هزرێ د ڤی بیاڤی دا بكهن و پاشهروژا خۆ دابین بكهن.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|