|
|
د پهیامهكا پیرۆزبایێ دا سهرۆك بارزانی: دڤێت نوونهرێن گهلێ كوردستانێ كار بۆ جێ بهجێكرنا دستوری بكهن
د پهیامهكا پیرۆزبایێ دا سهرۆك بارزانی: دڤێت نوونهرێن گهلێ كوردستانێ كار بۆ جێ بهجێكرنا دستوری بكهن
2010-03-09
|
|
|
ب ههلكهفتا دووماهی هاتنا پرۆسهیا ههلبژارتنێن جڤاتا نوونهرێن عیراقا فیدرال، سهروك مهسعود بارزانی پهیامهكا پیرۆزیێ ئاراستهی ههموو گهلێ عیراقێ ب گشتی و یێ كوردستانێ ب تایبهتی كر و ئهڤه ژی دهقێ وێ یه: ب ناڤێ خودێ یێ مهزن و دلوڤان سلاڤا برایهتیێ ...
ب ههلكهفتا سهركهفتنا پرۆسهیا ههلبژارتنێن جڤاتا نیشتیمانیا عیراقێ، من پێخۆشه گهرمترین پیرۆزیان ئاراستهی ههموو گهلێ عیراقێ بكهم، ب تایبهتی ل گهلێ كوردستانێ.
سوپاسیێن بێ پایان بۆ جهماوهرێ كوردستانێ و ههموو برایێن خۆشتڤی یێن پێشمهرگه و پۆلیس و ئاسایش و ههموو دهزگههێن پهیوهندیدار ب پاراستنا ئهمن و ئاسایشێ ڤه ل ههرێمێ كو شیان سهقایهكێ سهقامگیر بۆ وهلاتیان دابین بكهن ههتا ب ههموو ئازادی دهنگێ خۆ بدهن.
سوپاس بۆ ههموو كوردستانیێن دهرڤهی وهلاتی كو سهرهرای دروستكرنا ئاستهنگان ل ههمبهر پشكداریا وان ژ لایێ هندهك رهگهزپهرستان ڤه، بهلێ وهكو مه دیتی گهلهك ب گهرمی بهرهڤ سندوقێن دهنگدانێ چوون. سوپاسیا ههموو قهوارهیێن پشكدار د ههلبژارتنان دا دكهم كو ب هیممهتا ههموو لایهكی رێك نههاته دان چ روودانێن نهخۆش رووبدهن و ب ڤێ چهندێ ههلبژارتن ب شێوهكێ ئاسایی ب رێڤه چوون.
ههروهسا سوپاسیا ههموو دهزگههێن راگههاندنێ دكهم و ههر ژ نوكه پیرۆزیا وان ههموو خۆشك و برایان دكهم كو باوهریا جهماوهری ب دهستڤه دئینن.
بۆ مه یێن كوردستانی دووپات دكهمه كو دڤێت بهرامبهر كێشهیێن نهتهوایهتی ئێك ههلویست بین و نوونهرێن گهلێ كوردستانێ پێكڤه كار بۆ جێ بهجێكرنا دستووری، ب تایبهتی ماددهیێ 140 بكهین.
ل سهر ئاستێ عیراقێ ژی ئومێدهوارم كو ئهم ههموو ب خۆ دا بچین و هزر د برایهتی و هاریكاریكرنا ئێكدو دا بكهین و پێكڤه عیراقهكا فیدرال و دیموكرات ئاڤا بكهین و پابهندی دستوری بین و یاسا ژی د عیراقێ دا سهروهر بیت و ئهم ههموو پێكڤه ههول بدهین شهڕێ تیرۆرێ ژ عیراقێ دووربێخین و بهرژهوهندێن بلندێن وهلاتی ژی ژ لایێ مه ههموویان ڤه بهرچاڤ بهێنه وهرگرتن.
مهسعود بارزانی
سهرۆكێ ههرێما كوردستانێ 2010/3/8
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|