|
|
كاركرنا زارۆيان د رهمهزانێ دا بهرهب زێدهبوونێ يه
2010-08-18
دهۆك، چيمان كانيكي:
|
|
|
گهلهك پێشهات دهێنه پێش كو كاركرنێ پتر فايده ههبيت ژ رۆژانێن ئاسايي، د ئهڤێ رهمهزانێ دا كاركرنا زارۆيان د زێدهبوونێ دايه كو ب شهڤ و رۆژ ل بازارێ دهۆكێ زارۆ ژ ههموو جهان دهێن دا كو ل بازاري كار بكهن ب مهرهما پتر داهاتي.
رێكخراوا مندال پارێزي ديار كر كو وان تا نوكه وان ههشت زارۆ گرتينه ب شهڤ، ڤهكولهر ژي ديار دكهن كو بازار يێ ئازاده و ئهڤه دهليڤهيه كو ب شهڤ خهلك كار بكهت لێ ئهڤه ئاريشهيه ژي.
عهبدوللا ماسيكي ڕێڤهبهرێ رێكخراوا مندال پارێزي ل دهۆكێ بۆ ئهڤرۆ ئاشكرا كر كو وان تا نۆكه ههشت زارۆ گرتينه ئهوێن كار ل سهر جاددان و ناڤ بازاري دكهن و وان تيمهكا شهڤێ يا ههي كو پێك هاتينه ژ ڤهكولهرهكي و ڤهكولهرهك ژ بنگههێ زێوه و ئهفسهرهكێ پوليسێن سنێلان كو كارێ وان يێ ئێڤاري و ب شهڤێ يه، ماسيكي گوت: كارێ وان ب شهڤێ يه كو ناڤ بازاري دگهريێن بۆ دهستهسهركرنا زارۆێن كار دكهن و پشتي دهێنه گرتن دێ فورمهكێ بۆ پركهين ل بنگههێ پوليسێن سنێلان و دێ سهرهدانا مالا وي كهت كو بزانن ئهگهرێ كار كرنا وي چيه، ئهگهر مه زاني ژي كا ئهگهرێ كاركرنا ڤي زارۆيي چيه دێ بهشدار كهين ب هاريكارنا دارايي داكو ژ كاري ڤهبيت، لێ ئهگهر مهزاني كو مالا وي ب زۆري يێ هنارتيه كاري دێ پێڕابوونێن ياسايي دهرحهقي مالا وي هێنه كرن.
ڤهكولهرێ جڤاكي موستهفا باپير بۆ ئهڤرۆ ئاشكرا كر كو نێزيكي جهژنان يان نهورۆزان يان رهمهزانێ كو ب شهڤێ بازار يێ ههي گهلهك يا ب مهترسيه بۆ وان زارۆيێن دڤێن كار بكهن كو كارتێكرنێ ل پاشهرۆژا وان دكهن چونكو ب تنێ زارۆي دڤێن گهلهك پاران كوم ڤه بكهن ئهڤجا ب چ ڕێكا ههبيت.
ڤهكولهري گۆت: دڤێن ب جددي كار ل سهر ڤێ دياردێ بهێته كرن كو زارۆ دوور بيت ژ كاركرنێ و خێزان زارۆي نه فرێكهته كاري كو ب شهڤ گهلهك روودان ڕوو ددهن دڤێت ب هشياري سهرهدهري بهێته كرن.
زێدهتر ڤهكولهري گوت: چونكو ئهڤه مهها رهمهزانێ يه گهلهك زارۆ كار دكهن دڤێت ل ڤێره مهلا ڕۆلێ خۆ بگێرن كو ديار بكهن كو كار كرنا زارۆي مهترسينه ههنه و بۆ ههموو خێزانان بهێته ئاشكرا كرن كو ئهو پارێ كێم يێ زارۆ دئينيته د مال دا ئاريشێن مهزن ژي د گهل خۆ دئينن.
زارۆيهك ل بازارێ دهوكێ كو ب كاري فرۆتنا رستك و گوهارێن كچان ڕادبوو نهڤيا بۆ مه باخڤيت گوت دێ هوون من گرن و ئهزێ پێدڤيمه، پاشي جارهكا دي لێڤهبوو و ديار كر كو ئهو گهلهك حهز ژ كاري دكهت و رهمهزانێ ژي گهلهك فايدهي دكهت چونكو خهلك تشتان زێده دكرن و گوت: ل كولانا مه ئهم چوار ههڤال پێكڤه دهێين و مه ههموويان موبايل يێن ههين ئهگهر ئێك بكهڤيته مهترسيهكێ ئهم دووڤ تهوارا وي دچين و هندهك زارۆيێن كار كهر د بازاري دا گهلهك دخرابن و ئهم خۆ ژێ دكرين.
رێڤهبهرێ مندال پارێزي ديار كر كو ب دووڤ وێ رووپيڤا بهري چهندهكێ مه د رۆژناما خۆ دا بهلاڤ كري كو كار كرن 52٪ يا كێم بووي ههبهر سالێن بوري بهلێ ئهڤه وێ چهندێ ناگههينيت كو ئهڤه هيڤيهكه كو ئهڤ ديارده نهمينيت. ب دووڤ ئابوورێ كوردستانێ وهك ئابورناس بيان موحهمهد ديار دكهت كو ئابوورێ كورستانێ وهك كو نه دهولهت گهلهكێ باشه ژ بهر كو ژێدهرێ ههي يێ كو پاره بۆ مرۆڤي ژێ بهێت لێ مهترسيه ژي ئهو پارێ بچيت ف زارۆي كو ههموو دهمان نه پارهكێ گهلهكه كو موفا ژێ بهێته ديتن و گۆت: كاركرن بێگومان ژ ئهگهرێ نهچاريێ يه دڤێت دووفچونێن باش دڤي بارهي دا بهێنه كرن.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|