سه‌را كه‌ركوكێ كوردا خۆ ژ روونشتنه‌كا په‌رله‌مانێ عیراقێ ڤه‌كێشا

Evropress

16/7/2008

لیسته‌یا هه‌ڤپه‌یمانیا كوردستانێ و لیسته‌یا یه‌كگرتووى ئیسلامى ل په‌رله‌مانێ به‌غدا،هۆلا په‌رله‌مانى بجه هێلا پشتى سه‌رۆكێ په‌رله‌مانى و هنده‌ك لیسته‌یان ڤیاى پرۆژه‌یێ یاسایه‌كا نه‌یاسایى ده‌رهه‌ق كه‌ركوكێ ل روونشتنا سپێده‌هیا رۆژا 15/7 ده‌رباز بكه‌ن،په‌رله‌مانتار ئاسیا ئه‌حمه‌د ل سه‌ر لیسته‌یا كوردستانێ دیاركر كو سه‌رۆكێ په‌رله‌مانى د روونشتنا رۆژا 15/7 دا پرۆژه‌ یاسایه‌ك بۆ جڤاتێن پارێزگه‌ه و قه‌زا و ناحیان و تایبه‌ت ب كه‌ركوكێ پێشكێشكر  بۆ ده‌نگ ل سه‌ر دانێ د په‌رله‌مانى دا،ئاسیا خانێ بۆ ئه‌ڤرۆ دیاركر كو به‌ندێ ئێكێ ژ ڤێ پرۆه‌ژه‌ یاسایێ تایبه‌ت بوو ب كورسیێن جڤاتا پارێزگه‌ها كه‌ركوكێ ڤه‌ و  گوت:وه‌سا دانابوو كو جڤاتا پارێزگه‌ها كه‌ركوكێ 32 كه‌س بن، ژ وان 10 كورسى بۆ كوردان و 10 بۆ عه‌ره‌بان و 10 بۆ توركمانان و 2 ژى بۆ مه‌سیحیان،ئاسیا خانێ دیاركر كو لیسته‌یا هه‌ڤپه‌یمانیا كوردستانێ و دگه‌ل لیسته‌یا یه‌كگرتووى ئیسلامى ژ هۆلێ ده‌ركه‌ڤتن وه‌كو نه‌رازیبونه‌ك ل سه‌ر ڤێ پیلانێ و گوت:لسته‌یا هه‌ڤپه‌یمانیا كوردستانێ د گه‌ل هندێ یه‌ سه‌رژمێرى ل كه‌ركوكێ ببیت و ب گوره‌ى دستوورى هه‌لبژارتن ببن و كورسیێن جڤاتێ ب گۆره‌ى ئه‌نجامێن سه‌رژمێریێ و ده‌نگدانێ بن،ئه‌نداما په‌رله‌مانى دیسا دیاركر كو لیسته‌یا ته‌وافوق گه‌له‌ك بزاڤكرن ئه‌ڤ پرۆژه‌یه‌ ده‌رباز ببیت،لێ سه‌رنه‌گرت و كومبوون بۆ رۆژا 16/7  هاته‌ پاشئێخستن دا ئه‌ڤ كێشه‌یه‌ پتر بهێته‌ ڤه‌كۆلین.