|
پشكا شانۆیێ ل زانكۆیا دهۆك هاته
ڤهكرن
Evropress
4/8/2008
ئهڤرۆ، ئهمیر ئهترووشى
ههر
قوتابییهكێ دهرچوویێ شهشێ
ئامادهیی پشكا وێژهیى و زانستى بیت
و رێژا دهرچوونا وى ژ 75% كێمتر
نهبیت مافێ ههى فۆرمهكێ داگریت و
پێشكێشى تۆمارا كولیژا ئادابێ پشكا
شانۆیێ بكهن، داكو ل وێ پشكێ وهكو
قوتابیێ شانۆیێ بهێته وهرگرتن،
دیسان دهرچوویێن پهیمانگهها
هونهرێن جوان یێن پارسال و ئهڤ
ساله ژى مافێ ههى ببنه قوتابى ل
پشكا شانۆیێ. بڕٍیار ئهڤ ساله ژ
سهرۆكاتیا زانكۆیا دهۆكێ
دهركهڤتییه كو پشكا شانۆیێ بهێته
دامهزراندن وهكو پێدڤیهك بۆ
زانكۆیا دهۆكێ. د. ئیبراهیم
ئهحمهد سمو سهرۆكێ پشكا شانۆیێ ل
زانكۆیا دهۆك د درێژیا ئاخڤتنێن خۆ دا
گۆت: مه 15 رۆژ داناینه بۆ ههر
قوتابیهكێ حهز ههبیت پێشكێشى ڤێ
پشكێ بكهت، و ئهو قوتابیێن ئهم
وهردگرین دێ تاقیكرنهك پێ هێته كرن
ههتا 20/8 ئهنجام دهردكهڤن و ل
ههیڤا 9 لیژنهكا بسپۆر ب شانۆیێ دێ
هێته دامهزراندن و رۆژهك هێته
نیشانكرن بۆ تاقیكرنا پراكتیكى و
ههلبژارتنا قوتابیان بۆ پشكا شانۆیێ.
ئهم ب ئۆمێدین ئهم پشكه بهرفهره
بیت و پشكا موزیكى و یێن مایى ژى
ڤهبن ههتا دبیته كۆلیژهكا
سهربهخۆ. ل دوایێ سهرۆكێ پشكا
شانۆیێ گۆت: ئهم داخواز ژ پهروهردێ
دكهین ئهو مامۆستایێن بۆمه دهنێرن
ئهوبن یێن كارێ شانۆیى كرین ژبۆ وێ
چهندێ دا بزاڤا مه یا خورت بیت. و
ئهم حهزدكهین رێكخراوا
هونهرمهندێن كوردستانێ ژى بزاڤێ
بكهن و فشارێ بێخنه سهر وهزارهتا
خواندنا بلند و زانكۆیا دهۆكێ چهند
كورسى بۆ وان ژى بهێنه دابینكرن داكو
پتر ئهڤ پشكه یا ب بزاڤ بیت.
|
