|
سهرۆك بارزانى:دهستێن ژ دهرڤه د
كهركوكێ دا ههنه و ئهم ناهێلین
سهر بكهڤن
Evropress
6/8/2008
سهرۆكێ كوردستانێ مهسعود بارزانى
پشتى ژ بهغدا ڤهگهریاى،ل
فروكخانهیا ههولێرێ د گونگرهیهكێ
رۆژنامهڤانى دا دیاركر كو ئهڤا ل 22
تیرمههێ ل بهغدا قهومى،پلانهكا
مهزن بوو ل پرۆسا دیمۆكراسى و
دستورى،نهمازه ل پلهیا ئێكێ
خهتهرهكا مهزن بوو ل سهر گهلێ
كوردستانێ و وان قازانجێن كو د دستورى
دا ههین و دیاركر،كو دهستێ
دهولهتێن بیانى ژى تێدا
ههبوو،سهرۆك بارزانى گۆت:من بهرێ
ژى گوتیه و نهۆ ژى دوباره دكهم كو
دێ ب ههمووشیانان خهباتێ كهین و
سۆزێ ددهینه مللهتێ كورد كو
ناهێلین حسابێن ژ دهرڤه ل كهركوكێ
سهربكهڤن،سهرۆكێ كوردستانێ گازى
توركمانا و مهسیحى و عهرهبێن ل
كهركوكێ ژى كر و گۆت:هوون برایێن
مهنه،ئهز حهز دكهم خهلكهكێ دى
كو حسابێن وان یێن جودا ههنه
بارزگانیێ ب وهنهكهن،كهرهم بكهن
وهرن ئهم د ئێك و دو بگههین،دێ
گهلهك زێدهتر ب دهست ههوه
كهڤیت،سهبارهت ئهگهرێ
دهربازبوونا یاسایا ههلبژارتنێن
جڤاتا پارێزگههان،سهرۆكێ كوردستانێ
دیاركر خهلهتى ژ ههڤپهیمانیا
كوردستانێ بوو،دوژمنان ژى ئهڤ
ڤاڵاهیه بۆ خو ئیستغلال كر،ل دۆر
داخوازا جڤاتا پارێزگهها كهركوكێ كو
بهێنه ب سهر ههرێمێ ڤه،سهرۆكى
گۆت:داخوازا جڤاتا كهركوكێ یا
مهرجداره ب مادهیێ 140 ڤه،ههكه
نههاته بجهئینان ئهو مافهكێ وان
یێ دستورى و یاسایى یه كو بهێنه ب
سهر ههرێما كوردستانێ ڤه،ئهم ژى
پشتگیرى و پشتهڤانیێ لێ دكهین.
|
