|
18
كوشتى و بریندارێن كوچبهرێن كورد ژ
یونانێ هاتنه زڤراندن
Evropress
16/7/2008
ئهڤرۆ،تایبهت،سالار سهلمان
ترومبێلهكا كوچبهرێن كورد ل سهر
سنورێن یونانێ وهرگهریا و 18
كوچبهریێن كورد تێدا هاتنه كوشتن و
برینداركرن،د داخویانیهكێ دا بۆ
رۆژناما ئهڤرۆ ،عهبدولوههاب
محهمهد رێڤهبهرێ ئاسایشا خالا
سنورى یا ئیبراهیم خهلیل دیاركر كو ل
نیڤا رۆژا 15/7/2008 ێ 18 سنورداشێن
كورد ل سهر سنورێن یونان هاتنه
زڤراندن بۆ كوردستانێ،پشتى پاسا وان
دناڤبهرا سنورێن ههردو وهلاتێن
توركیا و یونان دا
وهرگهریاى،رێڤهبهرێ ئاسایشێ
ئهوژى دیاركر كو دڤێ روودانێ دا 4
كهسێن خهلكێ كهلار ب ناڤێن سهرباز
محهمهد ئیبراهیم،سوران سوبحى كاكه
عهولا،رهنج تهوفیق و بهختیار
گیانێ خو ژ دهست دایه و 14 یێن دن
ژى كو خهلكێ دهۆك و زاخۆ ههولێر و
سلێمانیێ نه ب گرانى برینداربوینه و
شكهستن ل ههموو ئهندامێن لهشێ وان
د دیارن،عهبدولوههاب محهمهد
زێدهتر رونكرن دان كو ژ سهرجهمێ 14
كهسێن بریندار 13 هاتینه زڤراندن و
ئێك ژى ب ناڤێ ههژار ژبهر گرانیا
برینا وى مایه ل ژێر چارهسهریێ ل
نهخوشخانهیێن ستهمبولێ و گوت:ههر
ل رۆژا 15/7 ههموو بریندارێن دى
هاتنه رهوان كرن بو رێڤهبهریا
ئاسایشا دهۆكێ،جهنازهیێن ههر سێ
قوربانیێن ئێكێ ههر ل رۆژا 15/7
هاتنه ڤهگوهاستن بۆ سلێمانیێ،لێ
كهسێ چوارێ كو بهختیاره ناڤێ سێ
قولى نههاته زانین و هێشتا جهنازێ
وى ل توركیایه.
|
