وه‌لاتیێن دهۆكێ ملیار و نیڤا ده‌یندارێن كاره‌بێ نه‌

Evropress

13/8/2008

پارێ مه‌هانه‌ یێن وه‌لاتیێن پارێزگه‌ها دهۆكێ و فه‌رمانگه‌هێن حكومى و جهێن پیشه‌سازى و بازرگانى كو نه‌دایه‌ رێڤه‌به‌ریا به‌لاڤكرنا كاره‌بێ دبنه‌ ملیاره‌ك و 463 ملیون دینار و چ پێرابونێن یاسایى نه‌هاتینه‌ وه‌رگرتن،ئه‌ندازیار سه‌فه‌ر ته‌یب ئه‌حمه‌د رێڤه‌به‌رێ به‌لاڤكرنا كاره‌بێ ل پارێزگه‌ها دهۆكێ تایبه‌ت بو ئه‌ڤرۆ دیاركر قه‌رێن رێڤه‌به‌ریا وان یێن كریێن كاره‌با مه‌هانه‌ د سالێن بورى دا ل سه‌ر وه‌لاتیان دبنه‌ 736 ملیون و 327 هزار دینار و بتنێ قه‌رێن ل سه‌ر فه‌رمانگه‌هێن حكومى ل ده‌ڤه‌رێ 562 ملیون دینارن و یێن جهێن بازرگانى 127 ملیون و جهێن پیشه‌سازى 21 ملیون و كشتوكال 16 ملیون دینارن،رێڤه‌به‌رێ به‌لاڤكرنێ ل دور ئه‌گه‌رێ نه‌دانا كریا كاره‌بێ گۆت:پتر خه‌له‌تى ژ رێڤه‌به‌ریا مه‌ ب خویه‌،ژ به‌ركو مه‌ كارمه‌ندێن لێگه‌ریانێ كێم هه‌نه‌ و نه‌شیێن هه‌مى مه‌هان سه‌ره‌دانا هه‌مو مال و فه‌رمانگه‌هان بكه‌ن،ژبه‌ركو به‌رى ده‌ه سالان و نوكه‌ مه‌ هه‌ر هه‌مان كارمه‌ندێن لێگه‌ریانێ هه‌نه‌ و ئه‌ڤه‌ د ده‌مه‌كى دایه‌ كو بتنێ ل سالا بورى تا نوكه‌ 27 هزار پشكدارێن كاره‌بێ زێده‌بوینه‌،ناڤبرى دیاركر ژى سه‌را نه‌دانا كریا مه‌هانه‌ تا نوكه‌ چ پێرابون نه‌وه‌رگرتینه‌ و هێلا كاره‌بێ ژ چ مالا و جهان نه‌بریه‌ و گوت:ئه‌ڤه‌ژى ژ به‌ر وێ چه‌ندێ یه‌ كو تا نوكه‌ كه‌سێ نه‌گوتیه‌ ئه‌ز كریێ ناده‌م،