|
قهرقهشه دو كارمهندێن ڤین تى ڤى د
دهته زیندانكرن
Evropress
13/8/2008
سهرا هندهك گوتنان ل دور
بهلێندهران د ریكلاما بهرنامێ
قهرقهشه دا یێ كهنالێ ڤین یێ
ئهسمانى،دو كارمهندێن كهنالى ب
بریارا دادوهرى هاتنه گرتن و
رێڤهبهرێ كهنالى ژى ههرهشهیا
گرتنا كهنالى دكهت،رێڤهبهرێ
پولیسێن پارێزگهها دهۆكێ لیوا
وهعدوللا محهمهد بو ئهڤرۆ
راگههاند:پشتى سالایهك دژى كهنالێ
ڤین تى ڤى هاتیه توماركرن،بهرى
حهفتیهكێ بێژهرێ بهرنامێ
قهرقهشه ب بریارا دادوهرى ژ لایێ
پولیسان ڤه هاته گرتن و ژبهركو وى
بێ گونههیا خو دیاركر،وانا ئهو ب
كهفالهت ئازادكر و بهرههڤكارێ
بهرنامهى دهستهسهركر و نوكه د
زیندانێ ڤهیه،لیوایێ پولیسان ئهو
ئێكهژى دیاركر بهلێندهر گهلهك ژ
وێ ئێكێ توره بووینه كو پێشكێشكارێ
بهرنامهى ئاماژه ب هندێ ددهت كو
بهلیندهر د ماوهیێ دهه چركهیان
پارێ خو وهردگرن كو ئهڤهژى
مهسهلا رهشوێ دهێته دناڤدا و
داخوازا پشت راستكرنا ڤێ چهندێ
دهێتهكرن و سكالا ب ناڤێ ئێكهتیا
بهلێندهرێن دهۆكێ هاتیه
توماركرن،لیوا وهعدوللا دیار كر
رهنگه ئێكێ دیژى بهێته گرتن
ژبهركو ههر ئێك ژ وان كارمهندان ڤێ
چهندێ دهاڤێته سهرملێن ئێكێ
دى،خودانێ كهنالێ ڤین تى ڤى كاوه
عهبدوللا بو ئهڤرۆ نهرازیبونا خو
ههمبهر گرتنا ههر دو كارمهندان
دهربرى و گوت:مه سنورێن ئازادیێ
نهبهزاندینه،لێ ئهم نابێژین ههمو
تشتێ مه یێ دروسته و گهلهك جاران
پشتى بوچونان وهردگرین ئهم بخو ژى د
هندهك تشتان دا پهشیمان دبین،خودانێ
كهنالى ئهو ئێكهژى دیاركر ئهگهر
رهوش هوسا ب رێڤهبچیت و پولیس بێ
ئاگههداریا پێشوهخت،كارمهندان ل
بارهگایى ڤه بگرن رهنگه ئێدى
دهرگههێ كهنالى بگرین،ناوبژیوى
دهێته كرن كو سكالایا دژى كهنالى
بهێته ڤهكێشان.
|
