ئه‌و مه‌لایێ گوتارا خۆ نوو نه‌كه‌ت دێ هێته‌ سزادان

Evropress

27/8/2008

وه‌زیرێ ئه‌وقافا حكومه‌تا كوردستانێ بریار دا كو هه‌ر مه‌لایه‌كێ پێگیریێ ب بریارا نووكرنا ناڤه‌رۆكا گوتارێن رۆژێن ئه‌ینى نه‌كه‌ت،دێ وه‌كو هه‌ر فه‌رمانبه‌ره‌كێ حكومه‌تێ هێته‌ سزادان،شێخ محه‌مه‌د شاكه‌لى وه‌زیرێ ئه‌وقاف و كاروبارێن دینى د كۆمبوونه‌كێ دا د گه‌ل هه‌موو رێڤه‌به‌رێن ئه‌وقافێ ل كوردستانێ،بریار دا كو دڤێت هه‌موو خوتبه‌ خوینێن كوردستانێ ناڤه‌رۆكا گوتارێ خوتبێن رۆژا ئه‌ینى بۆ گوتاره‌كا نوو و سه‌رده‌مانه‌ بگوهوڕن،د كۆمبوونێ دا ل رۆژا 25/8 كو ژماره‌كا ماموستایێن ئاینى ژى تێدا دبه‌رهه‌ڤبون،وه‌زیرێ ئه‌وقافێ گوت:وه‌زاره‌تا ئه‌وقافێ رێكێ ناده‌ت خه‌لكه‌ك ل سه‌ر موچه‌یێ حكومه‌تێ بژیت و هێرشا ژى بكه‌ته‌ سه‌ر ئه‌زمونا كوردستانێ،مه‌ریوان نه‌قشه‌به‌ندى به‌رپرسێ راگه‌هاندنا وه‌زاره‌تا ئه‌وقافێ بۆ ئه‌ڤرۆ راگه‌هاند:كو 1800 مزگه‌ڤت ل كوردستانێ هه‌نه‌ و ئه‌گه‌ر مینبه‌ر ب شاشى هاتنه‌ بكارئینان،دێ كارتێكرنه‌كا نه‌رێنى یا مه‌زن كه‌ن،نه‌قشه‌به‌ندى ل دور ئه‌گه‌رێن بریارا وه‌زیرى دیاركر كو گه‌له‌ك گوتارێن ئه‌ینى هه‌نه‌ گه‌له‌ك د لاوازن و نابیت ئێدى مه‌لا به‌حسێ به‌رى 1400 سالان بكه‌ن و خۆ ب بابه‌تێن لابه‌لا ڤه‌ مژوول بكه‌ن،دیسا دیاركر كو ب گوره‌ى ڤێ بریارێ،رێڤه‌به‌رێن ئه‌وقافێ ل هه‌موو ده‌ڤه‌ران به‌رپرسن ژ چاڤدێریا ڤێ چه‌ندێ و گوت:ئه‌و مه‌لایێ پێگیریێ ب بریارێ نه‌كه‌ت،دێ وه‌كو هه‌ر فه‌رمانبه‌ره‌كێ حكومه‌تێ هێته‌ سزادان،ئه‌ڤجا چ ژ كار ئێخستن یان ڤه‌گوهاستن یان موچه‌ برین ...هتد.