|
د روودانا تلعفهر دا، 21 كهس هاتنه
كوشتن
Evropress
17/7/2008
ئهڤرۆ، ئهمیر ئهترووشى
21 كهس هاتنه كوشتن و 40 بریندار
بوون ژ وهلاتیێن توركومان و عهرهب،
د روودانهكێ دا كو دوهى دناڤ
بازارهكێ مللى دا، ل دهمژمێر 6ێ
ئێڤارى ل تلهعفهر تاخێ (حی
الگلیعه) رووداى، ژ ئهنجامێ پهقینا
ترۆمبێلهكا (TNT)
كرى ب (عبوه ناصفه).
نهقیب بهسام محهمهد
خزر فهرماندێ هێزین تایبهت ل
تلعفهر بۆ ئهڤرۆ دیاركر كو ل
دهمژمێر 6:15 ژ رۆژا ناڤبرى
ترۆمبێلهكا ئۆپل سیناتوره دناڤ
بازارهكێ مللى دا پهقى و ژمارهكا
وهلاتیان كو پتریا وان گهنج و
زارۆكن بریندار و كوشتینه، ههر د
ماوێ پهقینێ دا 18 كهسا گیانێ خۆ ژ
دهست دایه و پشتى ماوێ پهقینێ
ههتا نوكه 3ێ كهسێن دى گیانێ خۆ
ژدهستدایه، و نێزیكى 40 كهسان
برینداربووینه. نهقیبى ئهو ژى گۆت
كو ئهڤه جارا سیێ یه ئهڤ جۆره
روودانه دماوێ ڤێ حهفتیێ دا
رووداى،ئهوان پێش وهخت پێزانین
ههبوون كو دێ ئهڤ روودانه چێبیت،
لێ وان نهدزانى كا دێ ل كیش جهى
روودهت وكهنگى یه، سهر وێ چهندێ
را وان گهلهك دووڤچوون ل سهر كربوو
بهرى روو بدهت، و ئێك ژ كوشتییان
زاڤایێ سێ رۆژان بوو.
د. عهبدوللا ئیبراهیم
نوشدارێ راگههاندنا نهخۆشخانا
تهنگاڤیان دیاركر كو لدهمژمێر 8ێ
شهڤێ پهیوهندى ب وان هاته كرن كو
روودانهك یا ل تلعفهر چێبووى و دێ
چهندین بریندار گههنه وان و
گهلهك كهس ل وێرێ هاتینه كوشتن و
نه گههشتینه نهخۆشخانا تهنگاڤیان
و تنێ 18 بریندار گههشتینه وان ژ
ئهنجامێ وان برینداران 3 كهسا ل
نهخۆشخانا تهنگاڤیان گیانێ خۆ
ژدهستدایه، 4 كهس یێ د هۆلا
نشتهگهریێ ڤه، رهوشا وان نه
گهلهك یا باشه، هندهك ژ برینداران
ژى ب گرانى د بریندارن.
|
