یه‌كگرتووى ئیسلامى پارێ چاڤدێریا ئێتیمان ل خۆ دمه‌زێخیت

Evropress

23/7/2008

تایبه‌ت،ئه‌ڤرۆ

ئه‌میندارێ گشتیێ یه‌كگرتووى ئیسلامى كوردستان،دانپێنا كو ره‌وشا دارای یا حزبا وى تێكچویه‌ و داخواز ژ كادرێن حزبا خۆ كر ل رۆژا 9/7/2008 كو خۆ بگرن هه‌تا دزیا دكه‌ن (ل دووڤ گوتنا وى) دا ئارێشه‌یێن خۆ چاره‌سه‌ربكه‌ن،دیسان دانپێنا كو داهاتێ وان یێ دارایى ل سالێن بورى ئه‌و هاریكاری بوون یێن رێكخراوێن ئیسلامى و وه‌ڵاتێن خه‌لیجى ب ناڤێ چاڤدێریا ئێتیمان فرێدكرن كو نوكه‌ ئه‌و ده‌رگه‌ه ژى نه‌مایه‌،سه‌لاحه‌دین محه‌مه‌د به‌هادین ئه‌میندارێ گشتیێ یه‌كگرتووى ئیسلامى ل رۆژا 9/7/2008 سه‌را مه‌لبه‌ندێ سێ یێ یه‌كگرتووى ئیسلامى ل دهۆكێ دا و بۆ ئه‌ندامێن حزبا خۆ به‌حسێ قه‌یرانا دارایى یا یه‌كگرتووى و بزاڤێن چاكسازیان د ناڤ یه‌كگرتووى دا كر،ژێده‌ره‌كێ تایبه‌ت بۆ ئه‌ڤرۆ دیاركر كو پشتى هنده‌ك ئه‌ندامان پرسیار ژ ئه‌میندارێ گشتى كرین كا قه‌یرانا وان یا ئابوورى تا كه‌نگى دێ ڤه‌كێشیت،د به‌رسڤێ دا سه‌لاحه‌دین ى ژى خواست(خۆ بگرن هه‌تا ئه‌م ژى هنده‌كێ ددزین و ئارێشێن خۆ چاره‌سه‌ر بكه‌ین)سه‌لاحه‌دین محه‌مه‌د به‌هادین د درێژیا ئاخڤتنێن خۆ دا ژێده‌رێن دارایی یێن یه‌كگرتوى ئاشكراكرن و دیاركر كو ئه‌و هاریكاریێن به‌رى نوكه‌ بۆ یه‌كگرتووى دهاتن ژ رێكخراوێن ئیسلامى و ده‌وله‌تێن خه‌لیجى بوون و ل بن ناڤێ چاڤدێریا ئێتیمان دهاتن و گوت:نوكه‌ ئه‌و هاریكارى كێم بووینه‌ و به‌رێ وان ده‌وله‌ت و رێكخراوان كه‌فتیه‌ هاریكاریكرنا حزبا ئیسلامى یا عیراقى،ژ به‌ركو نوكه‌ ئه‌و نوینه‌راتیا به‌رسینگرتنا به‌رفره‌هبوونا شیعاتیێ ل ده‌ڤه‌رێ دكه‌ت