|
دادگهها دهۆكێ دهعوهیهكا دژى
رۆژناما ئهڤرۆ رهتكر
Evropress
23/7/2008
ئهڤرۆ،تایبهت
پشتى چهندین روونشتنان و
دووڤچۆنێ،دادگهها دهۆكێ ئهو
دهعوهیا دژى سهرنڤێسهر و خودانێ
ئیمتیازا رۆژنامهیا ئهڤرۆ هاتیه
بلندكرن،ل دور زیندانكرنا كچهكێ ژ
لایێ دایك و بابێن وێ ڤه ل زاخۆ
دژوۆرهكا نهساخلهم ل رۆژا
10/7/2008 رهتكر و قهبوول
نهكر،دادگهها دهۆكێ پشتا خۆ ب دو
یاسایان بهست بوو كو پارێزهرێ
تومهتباران دلێر بهكر دوسكى رژدى ل
سهردكر كو دهعوه نههێته
قهبولكرن،ئهوژى ب گورهى مادهیێ
422 ژ یاسایا مهدهنى كو دهمێ
یاسایى د سهر دهعوهێ دهربازبوویه
و ماده یێ 11 ژ یاسایا چاپهمهنیان
یا كوردستانێ كو ههر دهعوهیهكا
پشتى بوورینا سێ ههیڤان د سهر كێشێ
را بهێته بلندكرن،دهعوه دهێنه
رهتكرن،ب ڤێ چهندێ و ل رۆژا
10/7/2008 دادگهها بهرایى یا دهۆكێ
بریارا رهتكرن و قهبول نهكرنا ڤێ
دهعوهیێ دا،رۆژناما ئهڤرۆ ل ههردو
ژمارێن خۆ 190 ل رۆژا 23/5/2007 و
ژماره 195 ل رۆژا 27/6/2007
بابهتهك ل دور زیندانكرنا كچهكا 22
سالى بۆ ماوێ چار سالان ژ لایێ دایك و
بابێن وێ ڤه بهلاڤكربوو كو ژوورهكا
بێ دهرگهه و بێ دهستئاڤ و سهرشوو
بوو خارن ژى د پهنجهرێ را
ددایێ،ژوورهك بو هیچ سیمایهكێ
ساخلهمی و مرۆڤایهتى تێدا نهبوو،د
ئهگهرێ دا هندهك پێرابوونێن یاسایى
دژى دایك و بابێن كچێ هاتنه وهرگرتن
و دهعوه هاته داخستن،دایك و بابێن
كچێ ب رێكا دو پارێزهران دهعوه دژى
بههجهت هرورى سهرنڤیسهرێ رۆژناما
ئهڤرۆ و فههیم عهبدوللا حهمو
خودانێ ئیمتیازا رۆژنامێ ل دادگهها
بهرایى یا زاخۆ تۆماركر و داخوازا 60
ملیون دیناران ژێ كر وهكو
قهرهبوكرنهك ژبهر پێزانینێن
نهراست وهكو وان دیاركر و تێكدانا
سومعهتا مالا وان،پشتى دو روونشتنێن
دادگههێ پارێزهرێ تومهتباران
گورهى یاسایا تایبهتمهندیا جهێ
كێشه ڤهگوهاسته دادگهها بهرایى
یا دهۆكێ و پشتى چهندین روونشتنان
دهعوهیا وان ب بریارا دادگههێ یا
ژماره 87/ب/2008 ل رۆژا 10/7/2008
هاته رهتكرن.
|
